معلومات عن مسلسل أزمة منتصف العمر تحليل مسلسل أزمة منتصف العمر
قصة مسلسل أزمة منتصف العمر
أبطال مسلسل أزمة منتصف العمر
عدد حلقات مسلسل أزمة منتصف العمر
بزيارتكم أن نقدم لكم أعزائي الزوار في صفحة موقع باك نت baknit.net نبذة تعريفية بأحد المسلسلات الدرامية المشهورة في المسلسلات العربية وهو مسلسل أزمة منتصف العمر ويكيبيديا
الإجابة هي كالتالي
تحليل مسلسل " أزمة منتصف العمر
- مسلسل "أزمة منتصف العمر" مكون من 15 حلقة و بيتعرض على منصة شاهد ، وبيحكي عن عمر اللى بيتجوز من مريم وبييجي فى وقت يتعرف على مامتها فيروز وبيحصل ما بينهم علاقة غرامية بتقلب الأحداث رأس على عقب وبنشوف اية اللى هيحصل
- المسلسل عجبني جدا ودة كان واضح من اول ما نزلت انطباع عنه ودة لأن السيناريو بتاعه قدر يحافظ على بناء الدرامي للأحداث وبناء والاهتمام بتفاصيل الشخصيات سواء الرئيسية او الفرعية وانه كمان عمل انجازات انه قدر يعمل خط لكل واحد فيهم بداية ووسط ونهاية ، كمان السيناريو عمل انجاز انه قدر يحافظ على كل الخطوط ديه بشكل متماسك وبيحافظ على كل تفصيلة بيستخدمها بعدين
- غير كدة المسلسل جرئ فى احداثة وكل حلقة فيه احداث مهمة بتحصل ولما بيقرر خلاص ان الحادثة ديه هتحصل بينفذها على طول من غير اي تراجع ودة سمح لينا اننا نقلق على شخصياتنا وسمح اكتر بتصاعد الأحداث والترقب يزيد والتحولات الدرامية تكتر وسمح كمان بمواجهات ما بينهم ، وسمح كمان كتير بالصدف وان كان هنا استخدم دراميا فى كتير منها بذكاء
- ولكن يمكن طريقة الصدف اة كانت منطقية من علاقات الشخصيات ولكن مكنتش مبسوط ان ديه الطريقة اللى بنستخدها كتير واوقات كتير المسلسل بيحسسني انها الطريقة الأوحد، ويمكن دة اثر على مستوى الحوار فى بعض الأحيان كان بيخلي فيه شوية مط وتكرار شوية فى الحوار بين الشخصيات ودة حسسني ان المسلسل كان يبقى أفضل فى 10 حلقات او 12 بدل 15 حلقة
- واخر حاجة يمكن معجبتنيش هي مصير بعض الشخصيات فى النهاية ، اة على مستوى العقاب معنديش مشكلة ان كل الشخصيات يستحقوها ولكن فيه شخصيات حسيت ان العقاب اللى مشي عليها كانت قاسية اكتر من اللازم وديه نقطة ممكن تختلف من واحد لتاني
- لكن دة طبعا مش بيقلل من قيمة المسلسل ، لأنه كمان كان معاه عناصر حلوة ومتميزة زي الأداء التمثيلي الرائع من الجميع وأعتقد كل ممثل او ممثلة بيمثل نقطة تحول او غلى الاقل تقدم فى مشورة الفني زي كريم فهمي اللى اتفقنا ان ديه أفضل فتراتة الفنية ، ريهام عبد الغفور اعتقد هي رايحة فى سكة انها تبقى نجمة شباك وهي بتاخد الخطوات بشكل كويس ومن صربعة وظهورها الكثير محسوب وجيد جدا لحد دلوقتي
- رنا رئيس جيدة ، رشدي الشامي جامد جدا ويكاد تكون اكتر شخصية عجبتني فى المسلسل كله ، عمر السعيد قدم أداء جيد جدا وأعتقد دة دور يرجعة تاني اننا نشوفة والناس تفتكر انه موجود وبيعرف يمثل حلو كمان ، هاجر عفيفي كانت جيدة جدا كذلك ، يمكن بس ركين سعد وهند عبد الحليم كتابة شخصياتهم كانت نمطية وخلت بعض اللحظات نمطية فى ادائهم بس مقدرش أنكر انهم كويسين وبيحاولوا يقدموا اختلاف فى طبيعة ادوارهم
- الموسيقى التصويرية لعادل حقي الرائعة جدا ويمكن دة أفضل شغل اسمعه له من ساعة فيلم مولانا ، التصوير والديكور والإضاءة فى كل مشهد كانوا جيدين واخيرا كل دة كان تحت إدارة المخرج كريم العدل اللى بشوفة ان كان معلي التحديات على كثير من الممثلين واحيانا على فريق العمل ككل ومقدرش أنكر إن فيه مشاهد فعلا صعبة وهو إخراجها بعناية ، ملحوظة بس ان كان فيه كتير من التصوير البطئ اللى بيحصل فى كتير من المشاهد مكانش له لازمة
- فى النهاية انا شايف ان المسلسل "أزمة منتصف العمر" واحد من أفضل الأعمال المصرية فى اخر 5 سنين ، وطبعا غير صالح للمشاهدة العائلية ولكنه بكل تأكيد يستحق المشاهدة
التقييم النهائي:(8/10)
